Kedźbu: Thunderbird 52.2.1 je wušoł.

Hornjoserbski Thunderbird instalować

  1. Serbske wersije instalować
  2. Wšě hornjoserbske wersije Thunderbird za Windows, Linux a Mac OS X namakaće pod adresu https://www.mozilla.org/en-US/thunderbird/all/ pod zapiskom Upper Sorbian.

    • Instalacija pod Windowsom

    Windowsowa wersija steji jako exe-dataja k dispoziciji, jenož alfawersije (wersijowe mjeno Aurora) móžeće tež jako zip-dataju sćahnyć.

    Sćehńće aktualnu exe-dataju Thunderbird Setup 52.2.1.exe do rjadowaka swojeje wólby, přeńdźće do tutoho rjadowaka a klikńće dwójce na dataju. Instalacija so startuje, slědujće instalowanski proces a wubjerće požadane opcije.

    • Wupakowanje archiwa tar.bz2 za Linux

    Za Linux stejetej dwě wersiji k dispoziciji, za 32-bitowy a za 64-bitowy Linux.

    Pod Linuxom wupakujeće archiwowu dataju tar.bz2 z konsole abo terminalneho wokna. Podajće so do ciloweho zapisa z přikazom cd <cilowy zapis> a zapodajće:

    tar -xvjf thunderbird-52.2.1.tar.bz2

    do zapodatneje namołwy. Móžeće wězo tež pakowanski program swojeje Linuxoweje distribucije wužiwać.

    Kedźbu: Jeli archiw njeinstalujeće do zapisa "Home", ale do druheho zapisa, trjebaće prawa administratora! Móžeće za to z konsole abo terminala přikaz su zapodać. Dyrbiće potom swoje administratorowe hesło zapodać. Alternatiwnje móžeće so při startowanju Linuxa jako root přizjewić. Podajće so potom do zapisa, hdźež su nětko wubalene dataje a startujće program Thunderbird přez klikńjenje na dataju "thunderbird" (bjez datajoweje kóncowki!)

    • Wupakowanje archiwa dmg za Mac OS X

    Serbska instalaciska dataja w formaće dmg předleži. Sćehńće dataju Thunderbird 52.2.1.dmg do někajkeho rjadowaka na swojim ličaku a klikńće dwójce na tutu dataju.

  3. Hornjoserbski rěčny pakćik za Thunderbird instalować
  4. Nawod za instalaciju namakaće na tutej stronje.