Dźakuju so dwěmaj njeznatymaj darićelomaj za jeju dar!

Zo bych zhonił, kelko ludźi zeserbšćene programy wužiwa a čehodla a kotre dalše přełožki so přeja, přošu was, zo byšće mały naprašnik wupjelnili.

Póstowy program Mozilla Thunderbird serbsce

Što je Mozilla Thunderbird?

Mozilla Thunderbird je samostatny pendant k póstowemu klientej wobsahowanemu w programowej suiće SeaMonkey. Je přihódny za ludźi, kotrež chcedźa radšo za wobhladowak resp. póstowy klient dźělene programy wužiwać. Mozilla Thunderbird je tuž jako wudospołnjenje za wobhladowak Mozilla Firefox mysleny.

Oficielne webowe sydło za Mozilla Thunderbird je http://www.mozilla.org/products/thunderbird/. Tute strony su jendźelsce. Jeli chceće sej němsce informować, wobhladajće sej wotpowědne němske webowe sydło http://www.thunderbird-mail.de. Tam namakaće tež němsku wersiju Mozilla Thunderbirda. Móžeće wšak serbski rěčny pakćik instalować, hlej Kak serbski rěčny pakćik za Mozilla Thunderbird instalować?. Wot wersije 2.0 stej tež komprimowanej archiwowej wersiji za Windows a Linux. Za druhe dźěłowe systemy steji tež w přichodźe rěčny pakćik k dispoziciji.

Mozilla Thunderbird je za wšelake dźěłowe systemy (Windows, Linux, MacOS a t.d.) a rěče. Dokładny přehlad namakaće na oficielnym webowym sydle (jendźelsce).